Nanawagan ang Department of Social Welfare and Development (DSWD) sa mga residente duol sa Bulkang Mayon nga magpabiling alerto ug mobakwit kung gimandoan sa mga awtoridad taliwala sa bag-ohay lang nga pagbuto sa bulkan.
Sa usa ka pahayag, ang DSWD miingon nga samtang andam kini nga mohatag sa gikinahanglan nga tabang sa mga apektadong residente.
Busa, giawhag nila ang publiko nga magpabiling alerto ug bantayan pag-ayo ang mga kalamboan nga may kalabotan sa bulkan.
Gitambagan usab sa ahensya ang mga residente nga mag-andam sa mga kinahanglanon nga suplay ug unahon ang kaluwasan sa tanan, labi na ang mga bata, mga tigulang, ug mga persons with disabilities (PWDs).
Anaa gihapon sa alert level 3 ang Mayon sukad niadtong Martes human misaka ang kalihokan niini, lakip na ang naobserbahan nga usa ka plume gikan sa kinatumyan sa bulkan nga nagbuga og abo.
