CENTRAL VISAYAS-Nagpirmahanay ang Kagamhanan sa Probinsiya sa Sugbo ug ang Department of Social Welfare and Development (DSWD) ang Memorandum of Agreement for the Implementation of AICS-PLUS alang sa mga PWD gamit ang QR-code system.
Gipangunahan ni DSWD Sec. Rex Gatchalian sa paghatag niini kang Cebu Provincial Governor Gwendolyn Garcia sa usa ka ceremonial check nga nagkantidad og 40.1-million pesos alang sa Assistance to Individuals and Families in Crisis Situation o AICS program nga gituyo alang sa mga kabus ug baldado sa lalawigan sa Sugbo.
Gipirmahan usab nila ni Gov. Garcia ug DSWD-Central Visayas Regional Director Shalaine Marie S. Lucero ang pag-apod-apod sa 11,000 ka AICS beneficiaries sa labing daling panahon ubos sa Listahanan-3 sa DSWD QR-coded cards nga gipundohan og 3,500-pesos matag usa.
Ang pag-apod-apod sa AICS himuon pinaagi sa QR-coded system sa probinsya ug masiguro nga husto ug dili mausik ang financial assistance sa DSWD nga nagkantidad ug P40.1 milyon, diin makapalit ang mga benepisyaryo sa ilang mga batakang panginahanglan ug kagamitan sa ang Kapitolyo affiliate store.
Mapasalamaton usab ang kalihim ngadto sa gobernadora sa gihatag niini nga suporta sa mga programa ug serbisyo sa buhatan sa DSWD arun kini mapauswag.
