Mipasalig ang Department of Social Welfare and Development (DSWD) Field Office V nga adunay igo ug andam nga mga kahinguhaan alang sa bisan unsang panghitabo, subay sa direktiba ni Presidente Ferdinand R. Marcos Jr. nunot sa pagpataas sa Alert Level 2 sa Bulkang Mayon sa probinsya sa Albay.
Sumala sa ahensya, adunay kinatibuk-ang standby funds ug stockpiles nga nagkantidad og P1,017,262,525 nga andam alang sa mga maapektuhan kung mograbe ang sitwasyon sa bulkan.
Diin dul-an P500-milyon nga kantidad niini ang na-preposition na sa mga bodega sa ahensya sa Albay.
Kini nga pondo naglakip sa P3-M nga standby funds, kapin sa P841 milyon nga kantidad sa Family Food Packs (FFPs) ug kapin sa P172 milyon nga kantidad sa Non-Food Items (NFIs), lakip ang mga raw materials.
Dugang pa sa ahensya nga ang Quick Response Teams (QRTs) giandam na usab alang sa posibleng pag-deploy sa mga evacuation center, relief distribution, ug protection services.
Andam na usab nga i-deploy ang usa ka mobile kitchen, usa ka mobile command center, ug usa ka mobile water system aron makahatag og serbisyo sa mga apektadong residente.
Sa samang higayon, si Gobernador Noel E. Rosal nag-isyu og PDRRMC-APSEMO Advisory No. 2026-1 nga nagmando sa hugot nga pagdili sa bisan unsang kalihokan sa tawo sulod sa 6-kilometros nga Permanent Danger Zone (PDZ).
