CEBU – Giklaro ni Portia Basmayor, ang pangu sa Department of Social Welfare and Services (DSWS) sa Cebu city, nga giproseso pa ang mga dokumento sa ubang barangay hinungdan nga dili kini sila magdungan sa pagpang-apod apod sa nagkadaiyang ayuda.
Kini human adunay pipila ka barangay sa dakbayan sa Sugbo ang nireklamo gumikan nilabay nalang ang lima ka buwan human sa bagyo wala gihapon kini makadawat sa naasoyng ayuda.
Sa labing uwahing datos, aduna nay lima ka barangay ang nakapang-apod apod sa ilahang tagsa tagsa ka ayuda.
Nasayran nga nga gisugdan pagpang-apod apod ang ayuda alang sa Persons with disabilities (PWD) sa 80 ka barangay diin mokabat sa 13,202 ang benepisyaryo.
Gilauman nga isunod ang financial assistance sa mga senior citizen sunod sa semana kung aduna nay kamandoan ang mayor.
