Milusad og programa para sa pagsuporta sa mga gagmayng tigpamatigayon sa lalawigan sa Bohol ang ahensya sa Department of Trade and Industry (DTI).
Inabagan sa pakig-alayon niini sa mga lokal nga kagamhanan sa maong lalawigan, ang DTI-Bohol milusad sa ilang Microbusiness Sustainability and Adaptability Program (MBSAP) nga nagtinguha sa pagsuporta sa mga gagmayng tigpamatigayon ug micro, small, and medium enterprises (MSMEs).
Gidesinyo kini aron sa pagdalit og customized services para sa mga entrepreneus kinsa adunay bug-at nga papel sa mga lokal nga ekonomiya apan sagad dili dali maka-access sa mga programa sa DTI.
Pinaagi sa mga mentorship sa mga ekspersto sa negosyo, networking ug suited workshops kay makaila kini sila sa mga gikinahanglan sa mga MSMEs aron mapalambo ang mga gagmayng patigayon sa ilang mga istratehiya ug kalambuan sa ilang panginabuhian.
Gani gipasabot pud niini nga ang MBSAP kay gi-conceptualized sa pipila ka tuig nga pagtuon sa mga gagmayng negosyo sama sa mga sari-sari stores.
Ang mga pilot areas sa programa kay gisugdan sa mga lungsod sa Clarin, Getafe, ug Loay nga giilang “Sari-Saring Programa para sa Sari-Saring Problema sa mga Sari-Sari Stores.”
Ang pagbansay-bansay kay gilangkuban sa tulo ka buwan nga lectures ug duha ka buwan sa practical implementations diin gitudloan sila sa business management, sales, marketing, accounting, ug human resource management.
Nakat-on pud ang mga benepisyaryo sa basic bookkeeping nga usa sa mga kritikal nga aspeto sa pagkamalungtaron sa usa ka negosyo.//
Giimplementar ang programa sa DTI – Bohol, lokal nga mga Negosyo Centers, ug mga LGU business counselors.
