Nibutyag ang pamunuan sa National Food Authority – Central Visayas (NFA-7) nga aduna kiniy dugang 70,000 ka mga sakong bugas humay nga gilaumang moabot sa Central Visayas sa buwan sa Hunyo alang sa paglahutay sa programang P20 per kilo rice program sa nasudnong kagamhanang.
Kini ang gipamahayag ni NFA-7 Assistant Regional Director Pilita Barajan nga matod pa nga gawas sa 35,000 ka mga sakong bugas nga unang miabot sa Sugbo gikan sa Occidental Mindoro sa milabayng semana kay aduna pay laing shipment gikan sa ubang rehiyon ang moabota nga magdepende sa gidaghanon sa orderon sa matag Local Government Units (LGUs) sa rehiyon.
Dugang pa nga sa pagkakaron, ang lalawigan pa sa Sugbo ang nakakuha sa maong suplay sa bugas nga gikan sa ilang mga bodega samtang nagpaabot pa ang mga lalawigan sa Bohol, Negros Oriental, ug Siquijor aron sa pagpatuman sa maong programa.
Gipadayag usab niini nga gawas sa mga umabotay nga shipment, padayon gihapon nilang gi-mentinar ang igong buffer stock pinaagi sa pagpamalit sa mga tipasi gikan sa mga lokal nga mag-uuma aron daghan pa ang makapanghimulos sa programang baratong bugas.
Aktibo usab nga nagpahigayon ang NFA-7 of stock inventory augmentation agi og pagpangandam sa umaabot pa nga mga distribusyon sa bugas.
