CEBU CITY-Mitabang na usab ang mga emergency reponders gikan sa Luzon sa gipahigayon nga search, rescue ug retrieval operations sa Brgy Tinaan Naga City Cebu.
Sa pakighinabi sa Bombo Radyo Cebu kang Office of the Civil Defense Under Secretary Ricardo Jalad, giingon niini nga nagpadala sila og dugang nga mga responders gikan sa Quezon City, Bulacan Pasig ug mga sakop sa 525th Engineering Battalion sa Philippine Army.
Gisiguro matud pa sa OCD nga luwas ang tanang mga responders ug duna pay mga maluwas nga mga buhi sa mga mihulpa nga yuta. Magpabilin gihapon sa mga evacuation center ang naa sa sobra 6 ka libong apektado nga residente hangtud nga wala sikay mabalhinan nga permanent shelter ug kung walay pagtugot gikan sa DENR nga mamahimo na sila nga makabalik sa ilang kanhi gipuy-an.
Samtang, matud usab sa Housing and Urban Development Coordinating Council (HUDCC) chairman nga si Eduardo del Rosario , nga nasabutan nna nila sa National Housing Authoritry nga unahon usab ang pagpatukod sa 320 permanent housing units para sa pamilya nga direkta nga naapektuhan sa nahitabong landslide.
Gihuwat na lang usab matud pa sa karon ang assessment gikan sa DENR para makasugod na sila sa site development ug construction sa labing dali nga panahon. Gibana-bana nga muabot sa 6 hangtud 8 ka buwan ang construction sa mga balay.
Nakadependi usab sigon sa Presidente kung ihatag ba kini nga libre ang mga naasoy nga balay ug dili kinahanglan nga magbayad og binuwan hindi ang mga benepisyaryo.
Samtang karong hapon, nagpahigayon og aerial inspection sa lugar nga nahitboan sa landslide sila si Del Rosario ug Jalad .
