CEBU CITY-Patay ang duha ka bata samtang upat ang naangol human naigo sa punoan sa buli sa Sitio Luy-a, Barangay Lamac, dakbayan sa Pinamungahan, habagatang bahin sa Sugbo.
Giila sa kapulisan sa Pinamungajan ang mga biktima nga sila si John Mark Abarquez, kinse anyos ug John Kyle Cabilino, dose anyos.
Daw sama sa usa ka damgo ang nahitabo sa duha ka bata diin wala damha niini, nga ang ilang pagpahuway ilalom sa landong sa nahisgutang kahoy mao’y mohuman sa ilang kinabuhi.
Samtang, ang laing upat ka mga bata daling nakadagan ug usa niini nakaangkon og samad sa iyang buko-buko dihang naigo sa natumba nga kahoy.
Sa pakighinabi sa Bombo Radyo Cebu News Team kay Margie Abarquez Barnido, parente ni John Mark, nga dili kini makatuo nga sa usa ka pamilok, nawad-an sila og myembro sa pamilya.
Gisaysay usab niini ang iyang kahadlok gumikan atol sa pagkabali sa kahoy, anaa kini sulod sa ilang panimalay kauban ang iyang anak ug paumangkon nga nangatulog diin matud niii nga kung ang tinuok kahoy ang natumba apil sila sa maangol.
