Dili makatambong ang duha ka Catholic cardinals sa conclave sa sunod semana aron sa pagpili sa bag-ong papa tungod sa mga isyu sa kahimsog.
Hinungdan nga anaa nalang sa 133 ang gilauman nga mga electors ang mosalmot sa piniliay, matud sa Vatican.
Wala hinganli sa Vatican ang duha ka cardinal apan usa ka tinubdan sa archdiocese sa Valencia ang mikompirmar nga ang arsobispo sa emeritus nga si Cardinal Antonio Canizares, ang usa sa mga dili makatambong sa conclave tungod sa rason sa panglawas.
Mokabat sa 135 ka mga kardinal ang kwalipikado nga mobotar sa sekretong seremonyas sa Sistine Chapel, nga magsugod sa Mayo 7 ug gilauman nga molungtad og pipila ka adlaw.
Ang modaog kay mopuli ni Pope Francis ug magkinahanglan og labing menos two-thirds majority.
