CEBU CITY — Nagpaalim karon ang duha ka mga crew members human nakaangkon og paso atol sa nahitabong sunog sa MTUG Super Shuttle Roro 3 kagahapon sa kadagatan sa Shell Island, dakbayan sa Sugbo.
Giila kini ang mga naangol nga silang Chief Engineer Juanito Godinez ug Oiler Joseph Abraham kinsang parehong nakaangkon og second degree burn.
Matud ni Philippine Coast Guard (PCG-7) spokesperson Commander Alvin Dagalea nga nagbiyahe paingon sa Kawit Island ang naasoy nga tugboat.
Dugang pa niini nga na-kontrol ang ka’yo ug napawong pipila ka oras human niulbo niadtong nakalabay nga kaadlawon.
Luwas na ang kahimtang sa lima ka crew members kinsa nga onboard sa tugboat atol sa insidente.
Nasayran nga 20% sa engine room ang nasunod sa naasoy nga barko kung nagpdayun ang imbestigasyon sa mga otoridad sa hinungdan sa pag-ulbo sa kayo.
Kasamtangan naka-angkla ang maong tugboat sa Ouano Wharf, dakbayan sa Mandaue. (ekp/gn)
