Posibleng mag-atubang og kasong sexual assault ang duha ka fans tungod sa giingong ‘non-consensually kissing Jin’ sa BTS sa usa ka hug event human sa iyang pag-discharge sa militar.
Gikumpirmar sa Seoul Songpa Police Station niadtong Hunyo 14 nga nakadawat sila og pipila ka mga reklamo gikan sa insidente.
Matud pa nga nakadawat sila og reklamo pinaagi sa National Petition System, apan wala sila’y nadawat nga pormal nga reklamo hinungdan nga wala pa na-book ang suspek sa mga otoridad.
Kahinumduman nga bag-o lang na-discharge sa mandatory military services si Jin ug nagpahigayon og in-person nga kalihokan alang sa “BTS FESTA” karong tuiga, diin iyang gigakos ang 1,000 ka mga fans aron ipahayag ang iyang pasalamat ngadto kanila sa pagpabilin sa iyang kiliran atol sa iyang enlistment.
Sa mikatap nga video, makita sa nawng ni Jin ang pagkatingla ug daling gipalayo ang iyang nawng, ingon man nga wala nauyonan sa ubang mga fans.
