LAPU-LAPU CITY,CEBU- Gitulis sulod sa ilang gi-abangang panimalay ang duha (2) ka mga Korean Nationals sa usa ka subdivision sa Barangay Maribago sa dakbayan sa Lapu-Lapu niadtong Nobyembre 17,2024.
Atol sa inisyal nga imbestigasyon sa kapulisan, unom ka mga wala pa mailhin nga lalaki ang suspek sa maong panghitabo nga kasamtangang gipangita pa sa mga awtoriadad.
Sa eksklusibong pakighinabi sa Bombo Newsteam kang Police Lt. Col. Christian Torres, ang tigpamaba sa Lapu-Lapu City Police Office (LCPO) nga nahitabo ang krimen pasado alas 4:30 sa buntag sa naasoy nga adlaw.
Subay niing nga kuyog ang mga langyaw sa usa ka Pinay nga hinigugma sa kaubang Koreao og ang ilang drayber.
Gikan ang mga biktima sa usa ka bar sa dakbayan sa Mandaue og sa maong taknaa kay mao pay pag-abot nila sa ilang giabangang panimalay.
Ingon man nga sa pagnaog nila sa ilang gisakyang van, dali silang gihuptan sa mga armadong lalaki, gigapos ang kamot ug gitaptapan og plastic bag ang nawng dayon gisulod ang ilang balay.
Mikabat sa P450,000 ang nakuha sa mga biktima samtang nakuhaan sab og P5,000 ang kauban niining Pinay nga babaye.
Pagtungtung na sa alas 7 sa buntag naka-report sa mga kapulis ang mga biktima kangsang mga Freelance Casino Coordinator ang mga trabaho diri sa Sugbo.
Kasamtangang nagpadayon pa ang imbestigasyon sa kapulisan sa maong krimen.
