CEBU CITY-Gidakop sa mga personahe sa Waterfront Police Station ang duha ka mga tinun-an sa engineering, human nagpakuha og hulagway samtang nag-picture sa ilang tunga nga tudlo o middle finger uban sa mga polis sa ilang background sa dalan Lapu-Lapu, Barangay San Roque, dakbayan sa Sugbo niadtong Domingo sa gabii, Enero 21, 2024, o sa adlaw sa kasaulogan sa Sinulog.
Ilang giklaro nga dili nila tuyo nga magpakuha og hulagway uban sa mga polis nga anaa sa luyo, nidugang nga ila unta kining ipadala sa ilang group chat kay nagpaabot sila sa ilang mga higala nga mokuyog kanila.
Nangayo og pasaylo ang duha sa nahitabo ug ilang giangkon nga nadala lang sila sa ilang dili maayu nga pamatasan nga wala masayod sa sangpotanan sa ilang binuhatan.
Sa pikas bahin si Police Major Efren Diaz, hepe sa Waterfront Police Station 3, nipadayag sa iyang kasagmuyo sa duha ka mga tinun-an sa engineering nga nadakpan.
