MANDAUE CITY, CEBU-Gibahaan ang pipila sa mga lugar sa dakbayan sa Mandaue, bisan og way uwan gahapon human niawas ang Butuanon River tungod sa tubig uwan gikan sa kabukiran.
Hinungdan nga ang Sitio Sili ug Talong sa Barangay Paknaan nakasinati og labaw sa tuhod nga baha samtang ang above-knee- nga baha nasinati usab sa mga bahin sa sitio Ahos.
Ang ibabaw nga bahin sa mga sapa sa Mandaue City nahimutang sa Cebu City, hinungdan nga bisan og walay ulan sa Mandaue, makasinati gihapon sila og pagbaha sa matag higayon nga adunay kusog nga ulan sa kabukiran sa dakbayan sa Sugbo.
Matod sa mga residente nga adunay riprap project alang sa Butuanon River sa bahin sa Sitio Talong apan wala pa kini mahuman.
Nanghinaot sila nga ma-prioritize kini aron dili sila daling mabaha.
Laing prone area sa Mandaue City mao ang Sitio Pulang Bukid sa Barangay Alang-Alang, apan maayo na lang kay wala maka-awas ang suba sa naasiy nga dapit.
Hinungdan nga ang mga rescuer sa Barangay Alang-Alang nibisita sa sitio aron susihon ang lebel sa tubig sa Butuanon River human sila makadawat og taho nga nisaka ngadto sa lima ka metros ang lebel sa tubig.
Ilang gipahinumdoman ang mga residente nga magmabinantayon sa lebel sa tubig sa suba.
