CEBU CITY-Nakadawat na og pormal nga letter ang kagamhanan sa Dakbayan sa Sugbo kabahin sa pag-turnover sa duha ka skywalks sa Osmeña Boulevard, hinungdan nga ang maong skywalks, panag-iya na karun sa Cebu City government.
Kini taliwala sa padayon nga pagtukod sa Cebu Bus Rapid Transit (BRT) project.
Mao kini ang gibutyag ni Cebu City Councilor Gerry Guardo, ang pangu sa Committee on Infrastructure sa Dakbayan.
Kung kahinumduman nga girekomendar ni Cebu City Mayor Michael Rama nga tangtangon ug ibalhin ang naasoy nga duha ka skywalk gumikan sa padayong konstruksyon sa CBRT project.
Si Guardo niingon nga ang maong formal letter gi-endorso na ngadto sa buhatan sa city administrator.
Dugang pa, nga ang Department of Transportation (DOTR) nangayo na og clearance gikan sa Commission on Audit (COA) sa wala pa ipadayon ang planong clearing operation aron maseguro nga ang proseso nahimo subay sa auditing regulations ug standards.
