Dead-on-arrival ang driver ug usa sa mga pasahero sa usa ka sakyanan sa aksidente nga nahitabo sa Brgy. Tajao, lungsod sa Pinamungajan, Cebu, sayo rong adlawa Sabado Oktubre 12, 2024.
Giila sa mga awtoridad ang mga biktima nga si Jan Raydel Booc, 20-anyos, tinun-an sa aeronautics nga mao ang drayber sa sakyanan, ug namatay usab ang usa sa iyang mga pasahero nga si Stephen Sabornino, 18, ug lumad nga taga-Ormoc City, probinsya sa Leyte.
Balda usab ang kalawasan sa laing duha ka mga pasahero nga sila Rev Alolo, 19-anyos ug si Jade Engle, 22-anyos nga kasamtangang ana sa tambalanan tungod sa kritikal nga kahimtang niini.
Sa ekslusibong pakighinabi sa Bombo Newsteam kang Police Major Gilfred Baroman, ang Hepe sa kapulisan sa Pinamungajan Police Station nga matud niya ang mga biktima kay gikan og “good time drinking session” sa usa ka establisyemento sa dakbayan sa Toledo og padulong kini sa lungsod sa Aloguinsan aron sa pagbisita sa uyab sa usa sa ilang kauban.
Didto nasuta sa mga kapulisan nga ang direksyon ang awto gikan sa Toledo dihang nabangga kini sa gikasugat nga prime mover truck diin ang drayber niini kasamtangnang gikustodiya sa kapulisan sa maong lungsod.
Padayong miawhag ang mga awtoridad sa publiko nga dili himoong batasan ang muinom og makahubog ug magmaniho’ sakyanan isip paglikay sa disgrasya sa kadalanan.
