CEBU CITY — Anaa sa dul-an 12,000 ka mga residente ang nipaubos sa strategic mass testing human sa kapin usa ka semana nga pagpahigayon niini sa Cebu City.
Matud sa chief pathologist sa Department of Health (DOH)-7 nga si Dr. Mary Jean Lorreche nga 67.75 percent o 11,881 gikan sa kapin 17,000 ka mga target individuals ang nipauibos sa rapid testing sa dakbayan sa Sugbo.
Kini ang nahipos sa DOH-7 pagkahuman sa 15 ka adlaw nga pagpahigayon sa strategic rapid testing ubos sa “Project Balik Buhay.”
Una nang na-extend ang maong kalihukan tungod sa sweeper testing.
Samtang nilapas sa gitaganang target samples ang dakbayan sa Mandaue ug Lapu-Lapu human sa duha ka semana nga pagpahigayon niini.
Dugang pa ni Lorreche nga ipaubos sa polymerase chain reaction (PCR) testing ang 1.9 percent o 422 gikan sa total samples gikan sa tulo ka mga dakbayan sa Sugbo.
Giklaro usab ni Lorreche nga gigamit ang rapid antibody test alang sa surveillance ug dili sa diagnosis.
