Dul-an 120 ka mga tawo patay sa stampede sa usa ka religious gathering sa India

Patay ang labing menus 116 ka mga tawo human na-stampede sa usa ka relihiyosong panagtapok sa amihanang India.

Diin ang insidente nahitabo atol sa gipahigayon nga satsang, usa ka Hindu religious event sa distrito sa Hathras sa estado sa Uttar Pradesh.

Kadaghanan sa mga nangamatay puros mga babaye ug bata nga padayon pang giila sa mga otoridad.

Basi sa imbestigasyon, human sa wali, dungan nga nanggawas ang mga tawo ug nagpunsisok.

Ug usa-usa nga nangatumba ang mga tawo ug ang uban natamakan.

Gituohan sa mga otoridad nga naghuot ang lugar diin nahitabo ang aksidente.