Dul-an 15,000 ka PWD sa dakbayan sa Sugbo makadawat sa ilang P3000 nga cash assistance karung adlawa

CEBU CITY-Ipang-apud na sugod karung adlawa ang financial assistance alang sa mga Persons with Disabilities PWDs sa dakbayan sa Sugbo.

Una na nga gipahibalo ni Cebu City Mayor Michael Rama nga karong Biyernes Abril 5, 2024 ipanghatag ang financial assistance nga P3,000.

Nasayran nga anaa sa 14,557 ka mga PWDs ang dakbayan ang makadawat sa tulo ka buwan nga ayuda nga gikan Enero, Pebrero ug Marso.

Gipahibalo usab sa pangulo sa Department of Social Welfare and Services nga si Portia Basmayor,nga adunay 389 ka mga PWD ang ilang ihatud ang financial assistance sa panimalay tungod kay dili na kini makalakaw.

Samtang ang mga disbursing officers maoy mohatag ngadto sa dili maka-claim sa ilang ayuda.