CEBU CITY-Dul-an sa 300 ka mga tinun-an gikan sa mga nagkadaiyang mga unibersidad sa dakbayan sa Sugbo ang naglusad og lihok-protesta sa kadalanan niadtong Marso 17, 2025.
Gisugdan ang maong kalihokan gikan sa University of San Carlos (USC) Downtown Campus uban sa mga tinun-an sab sa Cebu Normal University (CNU) nga nag-martsa padulong sa Fuente Osmeña Rotunda.
Kun diin ang maong mga progresibong grupo sa mga estudyante kay nag-alsa mahitungod sa represyon sa mga kabatan-onan ug sa ilang kagawasan.
Matod pani ni alyas Hope, ang chairperson sa Kabataan-Partylist CNU diin ilang sugilanon kay ang pamalakad sa ilang unibersidad sa kasamtangang pagdumala diin adunay 75% ang anaa sa online learning set-up nga hilabihang balakid sa daghang mga tinun-an ug uban pa.
Lain pa ang pagsupak sa mga nagprotesta ang padayong budget-cut nga gipatuman sa nasudnong kagamhanan nga makalaslas sa serbisyong madalit sa libreng kolehiyo sa maong state university.
Samtang si USC Supreme Student Council Councilor Maui Cruz diin ila usab gisinggit ang “inaccessibility” sa edukasyon sa ilang unibersidad tungod sa sigeg og pasaka sa Tuition Fees ug uban pang bayrunon.
Uban mga unibersidad diin ilang mga tinun-an ang miapil sa lihok-protesta kay mao ang University of the Philippines – Cebu, University of San Jose Recoletos, Southwestern University.
