Nadakpan ang 22-anyos nga delivery rider human nasakmitan og dul-an 4 milyones ka pesos nga kantidad sa gituohang marijuana sa Andres Abellana, Barangay Guadalupe, Dakbayan sa Sugbo.
Giila ang dinakpan sa layas nga si “Anel” diin gikonsiderar kini nga High Value Individual nga drug personality nga residente sa naasoy nga Barangay.
Pinaagi sa joint operation nga gipahigayon sa Regional Police Drug Enforcement Unit 7( RPDEU7), Philippine Drug Enforcement Agency 7 (PDEA7), ug Police Station 9 sa Cebu City Police Office, malampusong nadakpan ang suspek nga taud-taud na nga gi-under surveillance.
Gikataho nga usa ka police ang nagpakaaron-ingnon nga mppalit o nahimong ’poseur-buyer’ nga apil sa ilang gipahigayon nga operasyon diin miresulta kini sa pagkasikop sa maong suspetsado.
Depensa sa maong dinakpan nga gisugo lang siya sa iyang amego nga i-deliver kini diin gisulod sa backpack ug sako bag ug tagaan lang siya og P300 nga delivery fee. via Bombo Rexmond Omega
