JAPAN- Giabsuwelto sa korte sa Japan ang kanhi professional Japanese boxer nga si Iwao Hakamata, 88-anyos, sa mga kaso sa pagpatay niini niadtong 1966.
Sa talagsaon nga retrial ug giisip nga ‘World’s longest death row convic’ diin ang nahimo nga hukom sa korte kay fabricated o mga hinimo lang nga murder cases batok kaniya.
Gidakop si Hakamata niadtong 1966 tungod sa giingong pagpatay sa iyang senior nga kauban sa iyang asawa ug ilang 2 ka anak sa Shizouka province sa Japan ug niadtong 1980 sa dihang ang kanhi Hapones nga boksidor nakonbikto ug gisentensiyahang kamatayon.
Apan kaniadtong Marso 2023, gipahibalo sa Tokyo High Court nga adunay taas nga posibilidad nga ang mga imbestigador nagbutang og mga ebidensya sa kaso o gitawag nga ‘planted’.
Nanghilabot ang Korte Suprema sa Japan sa kaso hinungdan nga naablihan pag-usab ang kaso sa miaging tuig human sa dul-an 50 ka tuig nga pagkapriso.
Apan gibuhian kini niadtong 2014 human mitumaw ang bag-ong ebidensiya.
Ang kaso sa kanhi propesyonal nga boksingero mao na ang ika-5 nga higayon sa post-war Japan nga ang mga paghusay sa pagbalik miresulta sa pagkaabsuwelto sa usa ka akusado human masentensiyahan sa kamatayon.
