CEBU CITY-Mokabat sa 73.14 kilos nga pork products ang gisunog sa incinerator nga nahimutang sa Barangay Umapad, Mandaue City Miyerkules, Marso 1, 2023.
Kung diin nipadala og suwat ngadto kang Cebu City Mayor Michael Rama si Dr. Jessica Maribujoc, pangu sa Department of Veterinary Medicine and Fisheries, nga nagpahibalo kaniya nga ang nasunog nga mga produkto naglakip sa mga butang nga may kalabutan sa baboy ug manok nga gigama sa mga dapit nga nataptan sa African Swine Fever ug Avian Influenza.
Kini nga mga produkto gikolekta gikan sa Oktubre 1, 2022, hangtod sa Pebrero 20, 2023.
Ang paglabay niini nga mga produkto pinaagi sa pagsunog subay sa Section 4 sa Executive Order no. 118 nga serye sa 2021.
Ang mga produkto nga nasunog naglakip sa: Flossy pork: 1.6 kilos,Pork Hopia: 17 kilos,Luncheon meat: 6.2 kilos,Noodle products:28 kilos, Shanghai luncheon: 18.90 kilos, Korean Pork: 2.5 kilos.
