Sakit sa bulsa para sa mga motoristang nag gamit og gasolina tungod kay sa sayong bahin ning buwan sa Agosto kay dol-an P2 matag litro nga usbaw ang gipaabot karong semana base sa dagan sa patigayon sa produktong petrolyo.
Ang mosunud nga mga pagbag-o sa presyo makita nga epektibo sa Agosto 5, Martes:
Gasoline: P1.70 – P1.90/L nga umento
Diesel: P1.00 – P1.20/L nga umento
Kerosene: P0.80 – P1.00/L nga umento
Matod pa ni Rodela Romero, ang assistant director sa Department of Energy Oil Industry Management Bureau nga ang pagsaka kay tungod sa silot sa Estados Unidos sa mga tigbaligya og lana sa Russia ug Iran.
Ang demanda alang sa gasolina kusog usab karon sa US alang sa driving season karong panahona.
Laing hinungdan nga nakaimpluwensya sa usbaw mao ang paghuyang sa piso batok sa dolyar.
