CEBU CITY-Dul-an 3 milyones ka pesos nga balor sa shabu ang nasakmit sa Mambaling PNP atol sa buybust operation nga gipahigayon sa Sitio Micabaha, Brgy. Duljo niining dakbayan sa Sugbo.
Sikop si Ronnie Abarquez Padilla aka “Onie” ug residente ra usab sa naasoy nga dapit.
Matud ni Police Captain Francis Renz Talosig, ang hepe sa Mambaling PS nga newly identified ang nasikop apan lakip kini sa Regional High Value Target.
Nakuha gikan niini ang 8 ka large pack sa gitoohang shabu ug 3 ka medium sized pack nga dunay gibug-aton nga 450 gramos ug mikantidad og 2,822,000 pesos.Atol sa buybust, napalitan kini og 5 gramos nga shabu nga nagkantidad og 12 mil pesos gamit ang buybust money.
Sigon ni Talosig nga tungod sa dagko nga disposal niini sa shabu,posibli kini nga dunay koneksyon sa mga dagkong drug personality butang nga mao usab karon ang ilang gisubay ug gi-imbestigaran.
Mag-atubang usab og kasong kalapasan sa iligal nga drogas ang dinakpan.
Sa dihang gisuwayan paghinabi sa Bombo News Team ang dinakpan, nagkanayon kini nga dili siya mu-comment.
