CEBU CITY-Gikatahong nadagit ang usa ka laptop sa kawatan nga milungkab sa buhatan sa Cebu City Environmental and Natural Resources (CCENRO) nga ana-a nahimotang sulod sa Plaza Independencia sa Barangay San Roque ning Siyudad sa Sugbo.
Dul-an sa 50 mil pesos ang kantidad sa mga butang nga nangawala sud sa cebu city environment and natural resources office kun ccenro.
Kini maoy gibutyag ni Arlie Gesta ang OIC sa CENRO Cebu City nga nahinabi sa bombo news team.
Matud ni Gesta nga usa ka laptop ug duha ka electric fan maoy nangawala sud sa ilang opisina human kini gilungkab sa wala mailhi nga kawatan.
Gitu-ohan nga nalimtan ug lock ang door knob sa pultahan hinungdan nga yano ra kaayu nga naka sulod ang maong kawatan.
Gibutyag ni Gesta nga wala naka bantay ang guard atul sa pagpang lungkab tungud kay tua kini sa laing area nag bantay.
