Mukabat sa dul-an 700 ka mga miyembro sa New People’s Army (NPA) ang mibalik na sa sabakan sa gobyerno sa rehiyon sa Kabisay-an.
Gipahibalo ni Major Israel Galorio, ang tigpamaba sa Visayas Command, nga gilangkoban kini sa mga regular nga miyembro ug mga gitawag nga ‘militia ng bayan’.
Gawas sa maong mga miyembro, anaa usab sa 26 ka mga personalidad ang ilahang na-neutralized, ug kini giingong adunay mga ‘significant positions’ sa NPA.
Matud pa, usa kini ka maayo nga kalamboan diin nakita ang resulta sa ilahang ‘focused military operations’, kansang nakahatag ug ‘low morale’ sa mga teroristang grupo nga nakapahinay ug nakapaluya sa naasoy nga grupo kinsang padayon nga nagtago sa mga kabukiran.
Samtang, gipahibalo ni Major Galorio, nga ang mga miyembro sa NPA nga misurindir kay ilahang gipasulod sa ‘Enhanced Comprehensive Local Integration Program’, diin mao ang maghatag sa mga surrendees ug negosyo package, livelihood ug cash incentives.
Gipasabot niini nga ang maong programa maghatag sa mga misurindir nga NPA members ug bag-ong kinabuhi nga malinawon ug progresibo.
