-- ADVERTISEMENT --
CEBU – Nagpadayon ang mga health workers sa siyudad sa Dumaguete sa pagpahigayon og house-to-house nga pagturok og booster shots sa mga interesadong residente ilabi na sa mga edaran ug PWDs.
Kini subay na sa direktiba ni Mayor Felipe Antonio Remollo aron dili na mahago ang mga residente sa pagbisita sa mga vaccination sites ug makontrolar usab ang posibleng pagkuyanap sa sakit.
Giisa na karon sa Department of Health ang target sa bakunahan sa populasyon ngadto sa 80.67% aron makab-ot ang herd immunity samtang nalabwan sa siyudad ang maong target.
Pabiling gipaubos ang siyudad sa Alert level 1 status sa National IATF hinungdan nga nahibalik na sa full capacity ang operasyon sa mga negosyo, transportasyon.
