CEBU CITY>Gibarogan ni Presidente Rodrigo Duterte nga dili siya makig-estorya sa mga teroristang Maute ug mga kaubanan langyaw ng giingong miyembro sa ISIS sa Marawi City.Misaad kini nga iyang hutdon ang mga terorista bisan ug mamahimong bugti niini ang kinabuhi sa mga hostages.
Gisulti usab ni Duterte nag dili siya mahadlok kung aduna pay ubang lugar nga plano kini nga sakupon sa teroristang grupo.
Matud pa niini nga ipadaplin una niini ang hisgutanan sa kalinaw gumikan kay daghan na nga mga sundalo niini ang namatay sa gubat.
Apan pasabot sa Presidete nga dili makiggubat ang militar nga susama ug mga terorista.Matud niini nga sundon gihapon sa gobyerno ang rules, agreements ug treaties sa gubat. Dugang pa niini nga mamhimong sud lamang sa 24 oras mapulbos na sa mga sundalo ang terorista kung wala lang kini manghostage ug mga sibilyan.
Mahinumduman nga mibisita si Presidente Rodrigo Duterte sa Cebu diin giatubang niya ang mga sundalo ug mga pulis nga lakip sa nakibinakbakay sa 11 Abu Sayyaf members nga nakasulod sa Bohol niadtong Abril 10 nga milanat ug halos usa ka buwan.
Dinhi iyang gipasalamatan ang tropa sa militar ug mga pulis sa padayon nga na paghimo sa ngilang trabaho aron protektaran ang nasud ug misaad kini nga mohatag ug pabahay kanila.
