Gikompirmar ni Cebu City Mayor Edgardo Labella nga motambong si Presidente Rodrigo Duterte sa Sinulog Grand Parade sa umaabot nga dominggo petsa 19 sa Enero.
Matod ni Labella nga iyang gipadalhan og imbitasyon ang Presidente, tulo na ka semana ang nakalabay, ug nakadawat siya sa tubag niini pagkalabay sa pipila ka mga adlaw.
Lauman nga muabot ang Presidente sa dominggo sa hapon, apan wala lang gayud gibutyag ni Labella ang kinatibok-ang detalye sa pag-abot niini subay na usab sa seguridad.
Posible usab nga adunay mahitabo niana nga signal shut down sa pag-abot ni Duterte alang na sa seguridad niini.
Kini subay na sa gipatumang heightened alert sa mga sakop sa Police Regional Office (PRO)-7 diin gikonsiderar sa regional director nga si PBGEN. Valeriano de Leon ang signal shutdown.
Dugang pa sa mayor nga lauman sa mga bisita ang paghatag ug ‘speech’ sa pangulo alang sa kapistahan. (Lahvi Quiñones)
