CEBU CITY-Gipusil patay ang usa ka e-bike driver pasado ala 1 sa hapon gahapong adlawa sa may abellana st., sitio baud, Brgy. San Nicholas Proper, Cebu City.
Ang biktima giila nga si Maryjoy Maribao Cabilao, 18 anyos, nga taga Ermita Proper, Brgy.Ermita, Cebu City.
Matud sa mga naka saksi sa maong panghitabo, ang mga mamumuno giila nga duha ka lalaki nga nagpaka aron ingnong pasahero.
Samtang ga byahe ang biktima sakay ang mga mamumuno, kalit lang kini gipusil sa ulo gamit ang wala pa mailhi nga armas.
Matud pa ni Police Chief Master Sargeant Diosdado Parejas, ang imbestigador sa Sawang Calero Police Station, nga pila ka minuto ang milabay human gipusil ang biktima kay gisuwayan pa ug tabang sa mga medical personnels sa usa ka
hospital duol sa kung asa nahitabo ang pag pamusil apan human sa dul-an sa oras nakabsan na kini og kinabuhi.
Dugang ni Parejas nga ila pang gi establishar ang motibo sa kremin ug usa sa ilahang gilantaw nga anggulo nga possibling personal nga pagdumot ang hinungdan sa maong pagpamusil ug sa pagkakaron giila pa sa kapulisan ang mamumuno pinaagi sa pag tan.aw sa mga cctv duol sa maong area.
Nasayran nga aduna nay 17 nga insidente sa pagpamusil sa buwan sa setyembre ug oktobre niining tuiga dinhi sa dakbayan sa sugbo.
Sa maong ihap 11 niini ang buwan sa september ug 6 sa oktubre, ang uban nga insidente sa pagpamusil adunay kalambigitan sa ilegal nga drugas o tungod sa personal grudge o pagdumot.
