CEBU CITY-Nasikop ang usa ka lalaki sa kapulisan sa Carbon Police Station pinaagi sa pinasikad nga search warrant nunot sa posesyon sa illegal nga armas sa Balagtas St. Brgy Pahina Central ning Dakbayan sa Sugbo.
Giila ang dinakpan sa alyas ‘Alen’, 50-anyos, usa ka ebike driver ug residente sa naasoy nga lugar.
Nakuha sa posesyon sa suspek ang usa ka .38 nga revolver ug duha ka buhing bala.
Matud ni Police Lt. Melo Bonjoc, Deputy chief sa Carbon Police, nga nakadawat og taho ang kapulisan nga nagpabuto og armas sa duha ka higayon ang suspek niadtong Pebrero 9 ug 10 sa buntag ug basi sa mga pamahayag sa mga silingan kay agpabuto og armas ang suspek samtang naay katawag.
Nasayran pud nga napriso sulod sa 10 ka tuig si ‘Alen’ ngadto sa Abuyog Leyte tungod sa ginadiling drugas ug matud pa sa mga silingan nga kanhi tirador o hitman ang mao nga suspek.
Samtang sa habig sa suspek kay self defense lang kini ang anaa sa iyang posisyon nga armas.
Anaa na sa custody sa kapulisan sa Carbon ang suspek ug gikatakda nga pasakaan og kasong illegal possession of firearms. | Bombo Rexmond Omega
