CEBU CITY-Imbestigaran karon sa kapulisan ang usa ka tricycle driver nga matud pa nanghilabot og mga bata.
Naila ang suspect nga si Alcundo Tabura, 49 anyos ug residente sa Sitio Fish Valley, Barangay Bulacao, dakbayan sa Sugbo kinsang nasikop pinaagi sa citizen arrest human nga nakit-an kini sa usa ka Richie Baktol nga mipasakay og 9 anyos nga bata sa iyang e-bike ug gihagkan-hagkan ug gihilam pa ang mga pribadong parte sa lawas.
Matud ni Police Major John Karen Escober ang hepe sa Pardo PS nga basi sa ilang imbestigasyon, nasuta nga gawas sa 9 anyos nga batang naaktohan sa mga residente nga gimolestiya, duna pa kini 3 nga gihilabtan usab niini ug duna pay usa ka book nga giingong gi-rape niini sa nakalabay nga buwan.
Sigon matud pa usab sa Women’s Children Protection Desk (WCPD) sa Pardo nga duna usab history ang suspect nga nanghilabot usab og bata sa dakbayan sa Talisay apan na settle ra.
Nagtoo usab ang PNP nga dunay sakit ug usa ka Pedophilia ang suspect. Act of Lasciviousness in relation to Child abuse ang kasong nakatakda nga ipasaka batok sa suspect nga napriso.
