LAPU-LAPU CITY-Mamahimong mapahimuslan na unya ilabina sa mga kabatan-onang oponganons ang ‘e-library’ nga umulon sa dakbayan sa Lapu-lapu.
Kini ang gikompirmar ni Lapu-lapu City Mayor Jonard Ahong Chan human madawat ang 30 ka mga computers nga gikan sa Jinjang,China subay sa ilang sisterhood agreement.
Mga opisyal mismo sa Jinjiang, ang mitambong atol sa pagturn-over sa maong mga kahimanan.
Mahimutang ang E-library sa Hoops Dome kung diin libre ang pagamit niini, printing ug uban pa.
Apan gitino sa mayor nga gidili ang pag facebook ug pagduwa.Bugtong research lamang ang himoon sa naasoy nga e-library.
Gitun-an usab sa dakbayan nga himoon kining 24 hours apan sa pagkakaron kutob lang usa sa alas 12 para sa minors ug alas 2 sa kaadlawon para sa mga 18 anyos pataas ang pagamit niini.
Gamiton usab kini isip Call center academy kung diin ang gusto nga mu-aaply og call center ang mamahimo usa nga magskwela sa maong shop. (Report ni Bombo Crislie Adlawan)
