Atubangon ni Alex Eala ang iyang higala nga si Iva Jovic, nga kasamtangang world No. 14, sa Round of 32 sa 2026 US Open.
Nagpadayon ang maayong kampanya sa Filipina tennis star sa prestihiyosong Grand Slam tournament human niya nakuha ang duha ka sunod-sunod nga kadaugan.
Sa unang round, gipildi ni Eala si Mary Stoiana pinaagi sa straight sets, 6-1, 6-2, sa wala pa niya gibuntog ang Ukrainian nga si Oleksandra Oliynykova, 6-1, 6-4, sa ikaduhang round.
Tungod sa maong kadaugan, nakaabante si Eala sa Round of 32 diin iyang atubangon si Jovic, nga anaa sa world No. 14 ranking.
Gikatakdang ipahigayon ang ilang panag-atbang sa Arthur Ashe Stadium, ang pinakadakong tennis stadium sa kalibutan nga adunay kapasidad nga mokabat sa 23,000 ka mga tumatan-aw.
Mag-atbang sila sa Septiyembre 5, alas-7 sa gabii, oras sa New York, o Septiyembre 6, alas-7 sa buntag, oras sa Pilipinas.
Gidala ni Eala ang momentum sa iyang duha ka sunod-sunod nga kadaugan samtang iyang gitinguha nga ipadayon ang makasaysayanong kampanya alang sa Pilipinas sa US Open.
