Eala, mikita og P8.7M sa unang kadaugan sa US Open

Gigarantiyahan na karon si Alex Eala og P8.7 milyones human makaabante sa ikaduhang hugna sa 2025 US Open, nunot sa makasaysayanong kadaugan batok kang World No. 14 Clara Tauson sa Denmark.// 6-3, 2-6, 7-6 (13/11).

Ang 19-anyos nga Pinay mibalik gikan sa 1-5 nga pagkahulog sa final set aron modaog sa usa ka marathon match nga milungtad og kapin sa duha ka oras.

Tungod niini, si Eala nakaseguro sa $154,000 gikan sa rekord sa torneyo nga $90 milyones nga premyo.

Ingon man nga aduna pa’y kahigayonan nga madugangan ang iyang premyo og $237,000 o P13.4M kon makaabante pa siya sa sunod nga hugna.

Makigsangka siya pag-usab karong adlawa batok sa mananaog tali nila ni Cristina Bucsa ug Claire Liu.