Natapos na ang kampanya ni Filipina tennis star Alex Eala sa WTA 1000 Madrid Open nga adunay kinatibuk-ang premyo nga €47,195 o gibana-bana nga P3.3 milyon human nakaabot sa ikaduhang hugna sa singles ug doubles.
Sa singles, si Eala nakakuha og €31,585 human niya gipildi si Anastasia Pavlyuchenkova sa unang hugna.
Apan, natapos ang iyang duwa sa dihang napildi siya ni Elise Mertens sa misunod nga hugna.
Samtang, sa doubles, gipares siya ni Zeynep Sönmez diin malampuson silang midaog sa ilang unang duwa.
Apan napildi sila sa round of 16 nila ni Katerina Siniakova ug Taylor Townsend.
Bisan pa niini, nakarekord si Eala og bag-ong career-high sa doubles rankings human misaka sa No. 87 gikan sa miaging No. 101.
Sunod nga makigkompetensya si Eala sa Catalonia Open gikan Abril 27 hangtod Mayo 3 isip pagpangandam alang sa Italian Open.
Lakip sa iyang ikaatbang sa torneyo mao ang top seed Canadian-Filipina nga si Leylah Fernandez ug uban pang mga high-ranked nga magduduwa sa kalibutan.
