Nag-atubang og bag-ong dakong hagit ang Filipino tennis star nga si Alex Eala samtang nagpadayon ang iyang kampanya sa 2026 Pan Pacific Open nga gipahigayon sa Tokyo, Japan.
Nakasulod si Eala sa quarterfinals human gipayukbo ang iyang kaatbang gikan sa Australia nga si Talia Gibson pinaagi sa thrilling nga iskor nga 4-6, 6-2, 6-0.
Sa iyang pag-abante sa sunod nga round, mag-abot sila pag-usab sa World No. 13 ug Russian tennis player nga si Diana Shnaider.
Gipahayag ni Eala nga ang yawe sa iyang impresibong kadaugan batok kang Gibson mao ang iyang lig-on nga determinasyon ug pagdumili nga magpalupig taliwala sa pagkabiya sa unang set.
Kini nga duwa nagsilbing usa ka dako nga rematch alang sa 21-anyos nga Pinay netter, human siya gipilde ni Shnaider sa miaging semana sa Ningbo Open pinaagi sa iskor nga 7-5, 6-4.
Gilaoman nga ibubo ni Eala ang tanan niyang kakugi aron makabawi ug makasakmit og pwesto sa semifinals.
