Opisyal nang gideklarar sa World Health Organization ug mga opisyal sa panglawas sa nasud nga Democratic Republic of Congo nga natapos na ang Ebola outbreak human sa 42 nga sunod-sunod nga adlaw nga wala nay natalang bag-ong kaso sa maong sakit.
Ang outbreak kay gideklarar kaniadtong Septiyembre 4 human ang sakit nasuta sa Bulape health zone sa Kasai Province sa maong nasud nga maoy pinakauna sukad niadtong 2022.
Sumala pa sa Congolese health ministry nga sa kinatibuk-ang ihap sa kaso sa sakit nga Ebola kay miabot sa 64 diin 45 niini ang namatay samtang 19 lang na naulian.
Sa unang mga adlaw sa outbreak, ang Congo nagpabaskog dayon sa ilang national surveillance system aron tugotan ang mga awtoridad nga matultolan ang mga apektadong mga dapit ug sa pag-contain ang transmission niini.
Gani gitanyag ni WHO regional director Dr Mohamed Janabi nga dakong kalampusan ang ilang pagkontrolar sa sakit og pagpugong nga mukaylap pa kini.
Sa pagkakaron, sugdan na sa maong nasud ang 90-day period sa enhanced disease surveillance nga matod pa sa datos kay sukad niadtong Septiyembre 25 kay wala nay bag-ong kaso natala ug pag niadto lang Oktubre 19 ang kinaulahiang pasyente sa Ebola ang na discharged na gikan sa tambalalan.
