Good news sa mga magtutungha sa nasud! kini tungod sa gipahibalo ni Akbayan Rep. Chel Diokno niadtong Biyernes, Setyembre 26, nga ang libreng edukasyon sa kolehiyo sa mga state universities ug colleges hingpit nang adunay gigahin nga pundo.
Nagkanayon si Diokno nga ang P12.3 bilyones ang igahin alang sa hingpit nga pagpatuman sa Universal Access to Quality Tertiary Education Act, ug kini nunot sa budget deliberations sa House appropriations committee, diin P7.8 bilyones ang ipagawas pinaagi sa Commission on Higher Education (CHED).
Dugang niini, adunay gidugang nga P9,3 Billion usab ang gobyerno para sa mga programa nga naglayon sa pagtabang sa mga magtutungha, lakip na niini ang “Tulong Dunong Program ug ang Tertiary Education Subsidy.”
Sa maong kasayuran, malipayon kining gipaambit ni Diokno nga matod pa niya, bisan paman nga tunga sa gabii na nahuman ang deliberasyon, apan gikonsiderar kini nga “sulit” tungod sa maayong balita nga hagpat.
