CEBU CITY-Tuyu nga mibisita ang representante sa usa ka non-government organization (NGO) dinhi sa dakbayan sa Sugbo arun sa pakigbahin sa kasaulogan sa Eid’l Adha sa mga Muslim.
Gibutyag ni Nasarudin, gikan sa Malaysia, nga unang higayun kini niya nga mutaak sa Pilipinas ug unang higayun niini nga musaulug kauban ang mga Muslim sa Sugbo sa Eid’l Adha o Feast of Sacrifice.
Matud pa nga nang-apud-apud sila ug usa ka gatus ka baka kung diin gisaw-an kini sa mga Muslim sa tibu-uk Sugbo.
Gawas sa Eid’l Adha, giingung mibisita usab kini sa Pilipinas ilabi arun sa pag-edukar sa marginalize sector sa pagpalambo sa ilahang mga panginabuhi-an.
Gipahibalu ni Nasarudin nga adunay kapin 100,000 members ang ilahang organisasyon nga gikan sa Malaysia ang nagkatap sa pipila ka nasud alang sa nahisgutang katuyuan.
Samtang, gihulagway usab ni Imam Mohammad Helmie Abemor nga hapsay ug malinawun ang ilahang pagpahigayun sa Eid’l Adha dinhi sa Sugbo.
Sigon ni Imam Abemor nga sa ilahang habig sa mosque sa Barangay Mambaling, duha ka baka ang ilahang gipangayu kung diin mao ang ilahang gisaw-an, ingun man gipanghatag sa mga nagkinahanglan ug pagkaon.
Gitataw usab niini nga dili man sila obligado nga mu offer ug baka inay sa kadtu lang nga adunay kaya nga gustu usab makigbahin sa uban pang mga Muslim. (SBR)
