Electrician nakuryentehan patay

CEBU CITY-Patay ang usa ka electrician human nga makuryentehan sa may Brgy. Sto. Niño niining dakbayan.

Naila ang biktima nga si Gilbert Gitubig hingkud ang pangidayon ug residente sa Brgy. Lagtang dakbayan sa Talisay, Cebu.

Matud ni Non-Uniform Pulis (NUP) Jenel Ugabang sa Waterfront Police station nga nakadawat nalang sila og tawag kalabot sa naasoy nga panghitabo nga dunay nakuryentehan.

Sigon matud pa sa mga kauban sa biktima nga dunay silay gi-install nga electrical connection sa may Patria De Cebu apan nakit-an nalang kini nilang nagunit na sa wire ug walay nay kinabuhi.

Padayon pa usab nga gi-imbestigaran sa mga kapulisan ang hinungdan sa naasoy nga trahedya.