Pagpanghatag og mga generators mao ang usa sa pipila ka mga lakang nga gipatuman sa Siquijor, kung diin ni nagbunga kini og nindut nga resulta, ug makita ang kalamboan sa Electricity power supply sa nahisgutang dapit, kompara sa nilabay nga mga semana.
Mao kini ang gikabutayg ni P/LtCol. Roland Aliser, ang tigpamaba sa Siquijor Provincial Police Office, atol sa ikslusibong pakighinabi sa Bombo Radyo Cebu Team, nga usa sa mga lakang nga ilahang gipahamtang mao ang pagpanghatag og mga generators sa pipila ka mga apektadong lungsod ug munasipilidad sama sa Maria ug Enrique Villaneuva kay dako kini nga hagit nga gi-atubang sa maong dapit.
Nasaysay ni Aliser nga makasinati gihapon og mga pipila ka mga interruption sa kurente ang mga residente sa maong dapit, apan aduna nay kalahian sa niaging semana kay dili na kini sagunson o mapalong sa sulod sa taas nga panahon.
Apan bisan paman adunay nay ginagmay nga kalamboan, gitagaan og katin-awan ni Aliser nga dili pa sila ana ka 100% nga mabalik na sa normal suplay sa kurente sa Siquijor sunod semana, ilabi na nga usa ka private entities ang SIPCOR.
Busa, sa pagkakaron, nanghinaot sila nga ang SIPCOR nga masulbad na ang problema.
Kahinomdoman nga nibista si PBBM sa Power Supplier Siquijor Island Power Corp. (SIPCOR) kaniadtong Miyerkules, Hunyo 11, diin una na nga gimandoan niini ang Department of Energy nga tagaan ni og kasulbaran ang dakong suliran nga gi-atubang sa Siquijor. | via Bombo Irene Ardiente
