Ellen Adarna, gihimakak ang hungihong nga panagbuwag nila ni Derek Ramsay

Gihimakak sa aktres nga si Ellen Adarna nga buwag na sila sa iyang bana nga si Derek Ramsay.

Kini nunot sa taho nga gi-unfollow na sa duha ang usa’g usa sa ilang Instagram accounts.

Sa iyang social media, gipakita niini ang screen recording sa iyang kaugalingon ug gipakita nga naka-follow pa niini ang actor.

Giklaro sa aktres nga posibleng adunay problema sa iyang IG hinungdan nga wala makita sa pipila ka followers ang pangalan sa aktor.

Kahinumdoman nga adunay mga taho nga bulag ug nagka-problema ang duha sa ilang relasyon dihang namatikdan sa fans nga gi-unfollow nila ang usag usa.

Subay niini, nanawagan ang aktres nga hunongon na ang pagkaylap sa fake news.