Gitudlo ni US President-elect Donald Trump ang tech tycoon ug billionaire nga si Elon Musk aron mangulo sa bag-ong Department of Government Efficiency.
Sa usa ka pahayag, gikumpirmar ni Trump ang iyang appointment kang Musk.
Ubos sa bag-ong departamento, maghatag kini og tambag ug giya sa gawas sa gobyerno, diin nagpasabut nga dili kini molingkod sulod sa pormal nga istruktura sa gobyerno sa federal.
Ang tahas sa bag-ong organisasyon mao ang pagbungkag sa burukrasya sa gobyerno ug pagpugong sa paggasto.
Makigtambayayong usab ang organisasyon sa White house ug sa pre-existing nga Office of Management & Budget aron mapalig-on ang dako nga reporma sa istruktura.
Kauban ni Musk nga magdumala sa organisasyon mao ang kanhi Republican primary candidate nga si Vivek Ramaswamy.
Gitudlo usab ni Trump si Pete Hegseth ug combat veteran nga mahimong Defense Secretary ug John Ratcliffe isip iyang direktor sa nasudnong depensa.
