Emergency gate sa Barrio Luz nga doul sa Cebu Business Park, ablihan aron ma-agihan sa bombero kon ugaling adunay sunog

CEBU CITY-Gihatagan sa lalawigan sa Sugbo og pagtagad ang mga lumulupyo sa Dakbayan sa Sugbo bisan pa man og dili na kini ubos sa Jurisdiction sa Probinsya.

Giablihan sa Kapitolyo ang usa ka emergency gate sa Barrio Luz nga duol sa Cebu Business Park nga mamahimong gamiton sa panahon nga adunay katalagman sama sa sunog.

Nagkanayun si Governor Gwen Garcia nga tungod sa sunod-sunod nga insidente sa sunog sa Sugbo, ablihan ang emergency gate sa Barrio Luz aron ma-agihan sa bombero kon ugaling adunay sunog.

Subay niini si Vice Mayor Raymond Garcia nag pasalamat sa gipakita nga kabalaka ni Gov. Gwen Garcia ngadtu sa mga konstituwente sa dakbayan sa Sugbo.