Tungod kay maulawon, misangpot sa paghimo og desisyon nga putlon nalang ang iyang upat ka tudlo sa iyang kamot aron makahawa na kini sa iyang gitrabahoan isip computer programmer.
Mao kini ang nahimong hukom ni Mayur Tarapara, 32-anyos ka Indiano kinsang maulaw mosulti sa iyang manager nga gusto na niyang mo-undang.
Tungod niini, nahuna-hunaan niyang putlon nalang ang 4 ka tudlo sa iyang walang kamot.
Nasayran nga midangop pa sa police station sa siyudad sa Surat si Tarapara aron itaho ang iyang pagka-disgrasya sa motor nga miresulta sa pagkaputol sa iyang mga tudlo.
Sa una kay daling mitoo ang mga pulis apan sa dihang mihimo kini og lawom nga imbestigasyon tungod sa talagsaong kaso niini, nakita sa CCTV nga gi-parking ni Tarapara ang iyang motor kilid sa kalsada og mibiya palayu.
Ug sa iyang pagbalik, naghawid na kini sa walang kamot og putol na ang mga tudlo niini.
Gipatawag balik si Tarapara sa kapulisan ug didto na nitug-an ug gi-angkong gituyo niya pagputol ang iyang mga tudlo aron lang maka-undang sa trabaho.
