CEBU CITY– Nanawagan karon si PSSupt Royina Garma ang hepe sa Cebu City Police Office (CCPO) sa mga empleyado sa negosyante ug gitoohang bigtime druglord nga si Peter Lim sama nalang sa iyang mga katabang, driver ug ingon man pamilya nga muhatag og impormasyon sa kapulisan kung asa si Lim
Kini human nga pakyas ang kapulisan sa pagdakop ni Lim sa pagsilbi niini og warrant of arrest sa pipila na ka higayon.
Matud ni Garma nga dako ang posibilidad nga dili lang mutug-an ang mga empleyado ni Lim sanglit sayod man kini sa kapasidad sa negosyante ug gibayran usab kini sila ni Lim hayan dili gyud kini basta-basta nga mutug-an nalang.
Awhag karon sa direktor nga dili mahadlok sa pagsumbong sa kapulisan sanglit protektaran man kini nila ug huna-hunaon matud pa ang kaugmaon sa mga anak niini sanglit kung mapatud-an nga duna kini nahibaw-an apan wala mutug-an, mamahimo silang manubag sa balaud.
Lakip na usab ang media gi-awhag ni Garma nga musumbong sa ilang buhatan kung naay nahibaw-an.
Tino pa ni Garma nga most wanted na si Lim kay naa kini sa lista PDuterte kayan kini ang ilang prayoridad karon ug dili sila matud pa muundang sa pagpangita niini bisan paman og una nasilang napakyas sa pagsikop sa giilang drugord
