Mitaliwan na sa edad nga 65-anyos ang beteranong entertainment journalist ug radio host nga si Jobert Sucaldito.
Kini gikumpirma sa OOTD Jobert ug Chaps Channel, nga gipahinungod sa YouTube show nila ni Jobert Sucaldito ug direktor nga si Chaps Manansala.
Sa ilang pamahayag, ang pamilya sa journalist ug kadtong mga suod niya nagpasalamat sa publiko sa padayon nga gugma, suporta, pag-ampo, ug pag-atiman nga nadawat ni Jobert sa daghang katuigan.
Niadtong Hulyo, nangayo pa gani og pag-ampo si Chaps Manansala alang kang Sucaldito human siya na-confine sa Providence Hospital sa Quezon City sulod sa halos usa ka bulan tungod sa kabalaka ug kakulang sa tulog.
Hangtod karon, wala pay opisyal nga impormasyon nga gipagawas bahin sa hinungdan sa iyang kamatayon.
Si Jobert Sucaldito usa ka iladong personalidad sa natad sa entertainment journalism ug radio broadcasting, ug nailhan tungod sa iyang maisog nga komentaryo ug halapad nga kasinatian sa industriya sa showbiz.
