Nagpadayag ang kanhi host nga si Eric “Eruption” Tai sa kahiubos niini sa mga indibidwal nga namastamas sa iyahang asawa nga si Rona Samson-Tai, tungod sa nabaton nga kausaban sa lawas niini.
Gipaambit sa maong host ang mga naagian nga kakulian sa iyang asawa, ilabi na sa higayon nga hapit kuhaa sa labawng makagagahom ang kinabuhi niini.
Gihatagan usab og pagtagad ni Eruption nga nausab ang lawas ni Rona dili tungod kay siya “tapolan” o “walay pagtagad,” apan tungod kay ang iyang kinabuhi nausab pag-ayo.
Subay niini, adunay pahimangno si Eruption sa mga katawhan nga dili magpataka og komento mahitungod sa lawas sa usa katao.
Ingon man magpabiling banggiitan sa pakigsusi sa kamatuoran aron dili makapadangat og kasakit sa isig katao. | Bombo Irene Ardiente
